Kameeldrift    Christen Kerk                                                                        

             MAANDFOKUS

                         

 

                        Maart 2011         HOME_PAGE            

POSADRES: Posbus 610, Derdepoortpark, 0035  ADRES: RockyRidge,

 Moloto pad, Kameeldrift-Oos, TEL: 012 819-1011  FAKS: 0866 118878

 SEL: 083 234-9295 , E-pos: info@godbyons.co.za  Web: www.godbyons.co.za

                                        Multi-purpose of Spesialis?

                                    deur Marcel Versfeld

 

 

 

 

 

Baie van ons manne begeer 'n "Leather-Man" multi-funksionele mes. Dis nou 'n handige "gadget". Jy kan biltong kerf, kleinerige takke afsaag, bottels oopmaak, draad knip, skroewe vas of los draai en selfs jou naels skoonmaak.

Ek onthou nog die verkoopsagent wat ‘n stofsuier vir ons kom demonstreer het. Al wat die ding gekort het, was ‘n laaibak dan kan jy omtrent ‘n pad ook met dit bou.

 

Ons leef in ‘n multi-funksionele wêreld. Jou baas verwag van jou om goed te wees met als. Kinders moet presteer in wiskunde en wetenskap en tale. Skootrekenaars en selfone het sommer als wat jy nodig het ingebou.

 

Die probleem is egter dat baie van die goed eenvoudig net nie goed genoeg is om te doen wat jy daarmee wil doen nie.

 ‘n Leather-Man kan saag, maar nie so goed soos ‘n saag nie en ‘n stofsuier kan spuitverf werk doen, maar nie so goed nie.

God het jou gemaak om te blom waar jy geplant is. Moenie langer toelaat dat skuldgevoelens jou ry nie. Jy hoef nie goed te wees met als nie. 

Wees sout en lig in jou wêreld.

KCK se eie vier-bal golf span

Vossie, Marcel, Marnus & Ruan

Die manne het hard gespeel, baie ver gery—goeie oefening in gekry met die golf

karretjies

-net toe einde in sig is, sak ‘n bui reën n uit.

Was dit ‘n blessing in disguise??

 

Onbeskaamd Eties en KCK het die krisis sentrum- fondsinsamelings projek ondersteun.

 

KCK reik uit na jongmense met gestremdhede

 

Pretoria Skool lê in die hartjie van die stad, en is meer as net my werksplekwaar ek as Arbeidsterapeut betrokke is. Die skool verskaf onderrig en ondersteunende dienste aan  kinders vanaf 3 tot 21 jaar met fisiese gestremdhede soos serebrale parese, spina bifida en spierdistrofie. My werk behels oorbruggings-ondersteuning aan leerders wat hul formele skoolopleiding voltooi het, en gereed maak om die volwasse wêreld te betree. Ons fokus is op werksvoorbereiding deur middel van in-diens opleiding in die arbeidmark as vrywillige werkers. Ons vind egter dat die vermoë om te ‘n werktaak te verrig nutteloos is sonder ‘n sterk fondasie van karakter, integriteit en sosiale vaardighede.

 

Die lewe buite die skool en uitdagings van nuwe rolle as volwassene is vir meeste jongmense ‘n aanpassing. Vir hierdie jongmense is dit dikwels ‘n krisistyd waarin hulle gekonfronteer word met hul beperkinge en die wreedheid van die wêreld. Terapeutiese ondersteuning individuele intervensie help om doelgerig voor te berei vir die toekoms. Maar daar is net een Raadsman en Onderwyser wat die lesbeplanning saamgestel het wat hulle (en ons almal) toerus om te oorleef en te leef in oorvloed.

 

Vanjaar het ons dan die “Building Tomorrow” program afgeskop met ‘n 3-weke persoonlike ontwikkelingsprogram waar ons deur groepwerk die fondasie begin lê. KCK hou letterlik my hande omhoog in hierdie proses! Neels Beyers, wat voorheen hier deel was, het  oor 2 dae avontuuraktiwiteite gebruik om bewsutheid te kweek dat NIKS by God onmoontlik is nie. Thami Masuku het ‘n dag met hulle spandeer en deur sy getuienis en boodskap uit die Woord hul uitgedaag om die Koninkryk van God bo alles te soek, en die Here op die proef te stel om Sy belofte dat Hy sal voorsien in alles wat nodig is, te volbring. Annette se besoek aan ons was die hoogtepunt, of deurbraak tot dusver. Sy het met ons gedeel rondom vergifnis. Dit was kosbaar om die “aha” oomblikke te aanskou, en die mure te sien kraak…Na afloop van hierdie sessie was daar ‘n merkbare verdieping in die leerders se deelname, en honger om toegerus te word.

Ek is opnuut dankbaar vir my werk, al sou ek veel eerder tuis wou wees met my kinders. Ek beleef die Here se werk daagliks in hierdie jongmense, sien hoe Hy die gebrokenes heelmaak en ‘n pad maak in die wildernis. !

 

Indien  u verjaardag  nie verskyn nie, maak asb seker dat ons dit op die databasis so spoedig moontlik kry.

    

 

Sperdatum– volgende uitgawe:   Maandag 28 Maart 2011

Bank besonderhede: Kameeldrift Christen Kerk, Nedbank

Rek no: 2553065256,   Takkode: 155345, Montana

Kontak Theresa vir plaas van artikels

 Sel no: 083 561 8278  of e-pos:

theresa@godbyons.co.za

May God bless you and keep you safe in His arms!!

 

DAGBOEK      DAGBOEK        DAGBOEK

 

12 –13               Manne wales

17 /03                 Graham Power

25 /03                 Skole sluit

27/03                  Gemeente gebed om 17:30

31/03                  Junior bederf

07/04                  Tiener bederf

30/04                  Spesiale dag vir ons dames -   “Get Attitude”   

 

 

Eksamen Flaters:

Q; What is a fibula?   A:  a small lie

Q: How can you delay milk turning sour?   A: Keep it in the cow

Q: What does “varicose” mean?    A: Nearby